மு. உசைன் கனி Sep 24 2024 தொழில்நுட்பம்

கம்ப்யூட்டரில் அழிந்த தரவுகளை மீட்க முடியுமா?

தரவுகள் என்பது எல்லாத் துறைகளிலும் மிக முக்கியமானவை. குறிப்பாக நம் கம்ப்யூட்டரில் இருக்கும் தகவல்களை, கோப்புகளை (files), புகைப்படங்களை, மற்றும் ஆவணங்களைத் தற்செயலாக இழந்துவிட்டால், அல்லது அழிந்து விட்டால் பெரும் மனஉளைச்சலை ஏற்படுத்தக்கூடும். ஆனால், அழிந்த தரவுகளை மீட்பது கடினமான செயலாகத் தோன்றினாலும், பல வழிமுறைகள் மூலம் அதனை மீட்கலாம். எப்படி என்று பார்ப்போம்.

உயிர்ப்புடன் உள்ள கம்ப்யூட்டரில் அழிந்து  போன தரவுகளை மீட்கும் வழிகள்.

 Recycle Bin/Trash - இல் சரிபார்க்கலாம்

அதிக அளவில் நாம் அழித்த கோப்புகள் Recycle Bin அல்லது Trash -இல் இருக்கும். இங்கு இருக்கும் கோப்புகளை மீண்டும் சரிசெய்யலாம்.

Recycle Bin-ஐத்  திறந்து, மீட்க விரும்பும் கோப்புகளைத் தேர்ந்தெடுக்கலாம்.

அங்கு Restore என்பதைக் கிளிக் செய்தால் கோப்புகள் மீண்டும் மூல இடத்திற்குத் திரும்பும்.

 

Backup இருந்து அதன் மூலம் மீட்பது

நீங்கள் ஏற்கெனவே Backup (தரவுகளைப் பாதுகாப்பாக எடுப்பது) செய்து வைத்திருந்தால், உங்களுக்கு கம்ப்யூட்டர் தரவுகளை இலகுவாகவே மீட்கலாம். சில முக்கியமான Backup முறைகள்:

Windows Backup: Windows-இல் உள்ள Backup வசதியைப் பயன்படுத்தித் தரவுகளை மீட்டெடுக்கலாம்.

Time Machine : Time Machine வழியாகத் தரவுகளை மீட்கலாம்.

 

System Restore அல்லது Previous Versions செயல்முறை மீட்டெடுப்பதில் மிக முக்கியப் பங்கு வகிக்கின்றன.

Windows-இல் உங்கள் கணினியில் System Restore அல்லது Previous Versions வசதிகள் ஏற்கெனவே செயல்படுத்தப்பட்டிருந்தால், அதனைப் பயன்படுத்தி அழிந்த கோப்புகளை மீட்கலாம். System Restore மூலம் கோப்புகள் மற்றும் அமைப்புகளை முந்தைய நிலைக்கு மாற்ற முடியும்.

Previous Versions என்பதன் மூலம் கோப்புகளின் பழைய பதிப்புகளையும் மீட்டெடுக்க முடியும். 

 எந்த பேக்கப்பும் இல்லை System Restore ஆப்ஷனும் இல்லை. மொத்தமாக கம்ப்யூட்டர் ஃபார்மட் ஆகிவிட்டது. என்ன செய்யலாம்?

 முடியும் அனைத்து தரவுகளையும் Data Recovery Software மூலம் மொத்தமாக மீட்டெடுக்க முடியும்.

 அதற்கான மிகச் சிறந்த Data Recovery Software-கள் கிடைக்கின்றன. இதுபோன்ற மென்பொருட்கள் உங்கள் ஹார்ட்டிஸ்க்கில் அழிந்துவிட்ட தரவுகளை மீட்டெடுக்க உதவுகின்றன.

 சில பிரபலமான Data Recovery மென்பொருட்களைப் பார்க்கலாம்.

 Recuva: இது Windows-க்கு இலவசமாகக் கிடைக்கும் ஒரு நம்பகமான மென்பொருள். அழிக்கப்பட்ட கோப்புகளைக் கூட மீட்க இது உதவும்.

 EaseUS Data Recovery Wizard: இம்மென்பொருள் முழுமையாக அழிந்த கோப்புகளை ஸ்கேன் செய்து, அவற்றை மீட்டெடுக்க  உதவுகின்றது.

 Disk Drill: Mac மற்றும் Windows இரண்டிலும் செயல்படும் மென்பொருளாக Disk Drill மிகப்பெரிய அளவில் பயன்படுத்தப்படுகிறது.

 தரவுகள் அழித்த உடன், கம்ப்யூட்டரில் புதிய கோப்புகளைப் பதிவேற்றம் செய்துவிட வேண்டாம். இது பழைய தரவுகளின் மேல் எழுதப்படும் சாத்தியத்தை அதிகரிக்கக்கூடும், அதனால் மீட்புப் பணியில் சிரமங்கள் ஏற்பட வாய்ப்புண்டு.

 கூடுதல் பரிந்துரைகள்:

உங்களின் முக்கியமான கோப்புகளை Backup எடுத்து வைத்துக்கொள்ளுங்கள் அல்லது Cloud storage (Google Drive, OneDrive, Dropbox போன்றவை) பயன்படுத்துவது மிகச் சிறந்தது.

 அழிந்து விட்ட தரவுகளை மீட்க முடியுமா? என்றால் முடியும். இந்த வழிமுறை கம்யூட்டருக்கு மட்டுமல்ல மொபைலுக்கும் பொருந்தும். 

மால்வேர் அல்லது வைரஸ் போன்ற தாக்குதலுக்கு உள்ளானாலும் இந்த வழிமுறைகளைப் பின்பற்றி உங்களின் தரவுகளை மீட்டெடுத்துக் கொள்ளலாம். 

வளத்துடன் வாழ்க 

மு. உசைன் கனி